D66-FNP

D66 en de FNP fine it beide wichtich dat bern ek yn it Frysk ûnderwiis krije en dat de húsfestingsplannen fan skoallen fierder útwurke wurde. De FNP hâldt it dêrby yn har programma. D66 giet fierder.

Eltsenien, fan jong oant âld, fan De Houtigehage oant Goaiïngahuzen, moat deselde kânsen krije. Wy gean foar de bêste skoalgebouwen, yn elk doarp en elke wyk. Mei in sûne lunsj, griene skoalpleinen, fergeze berneopfang en sport foar alle bern. Mei noch mear opliedings yn Drachten, sawol op it ROC Friese Poort as fan de Ryksuniversiteit Grins.

De FNP en D66 fine beide dat de gemeente op syn minst de ynternasjonale doelstellings helje moat. Mar D66 hat mear ambysje. De FNP wol yn 2050 enerzjyneutraal wêze, D66 yn 2030.

Lykas de FNP wol D66 dat beslúten fan de gemeenteried gjin negative konsekwinsjes ha foar it klimaat. Wy meie ús bern en bernsbern net opsadelje mei de kosten fan ús útstiet. Dêrom slút D66 gjin duorsume enerzjyboarnen út, de FNP docht dat wol. De FNP wol bygelyks gjin sinnepanelen op lânbougrûn.

Fraach en oanbod komme net mear by-inoar, dat is soarchlik. Eltsenien moat yn in betelber hûs wenje kinne, dêrom wolle de FNP en D66 mear bouwe. D66 komt mei konkrete plannen foar hoe’t en wêr’t boud wurde kinne en hokker leechsteande gebouwen brûkt wurde kinne foar wenten. D66 wol mear apparteminten en op it plak fan De Welle en it âlde Marathonhotel nije wenten.

De FNP wol foarrang jaan oan ‘eigen ynwenners’. Sa feroaret de befolking net. D66 leaut júst yn de krêft fan ferskaat. Nije minsken bringe nije ynsjochten mei har mei. Wy moatte foarrang jaan oan de minsken dy’t it hurdst nedich hawwe. En foaral oan de slach mei it bouwen om ek ús eigen jongerein fan in wenning te foarsjen.

Foar de FNP en D66 draait it om it wolwêzens fan de ynwenners. De FNP wol dêrom graach minsken stimulearje om sûn te wêzen. D66 is konkreter en giet fierder.

D66 wol de besúnigings fan de ôfrûne jierren op de jongereinsoarch, de help yn it húshâlden en regelings foar de minima weromdraaie. D66 set tegearre mei de MOS yn op previnsje. D66 wol dat d’r meitinkers komme dy’t minsken helpe om net fan it kastje nei de muorre stjoerd te wurden.

Foar D66 is frij wêze hiel wichtich. Frij wêze om as ûndernimmer te ûndernimmen, foar bern om bern te wêzen, mar ek frij wêze om dysels te wêzen. Om frij te wêzen moat de oerheid ynwenners net falle litte. As sûnens de kânsen beheint of as wa’tst bist bepaalt hoe feilich oftst bist bist net echt frij. Foar D66 stiet dat foarop. De FNP jout yn har programma gjin oandacht oan frij wêzen en diskriminaasje. Gelokkich stimme se faak wol foar ús foarstellen om Smellingerlân frijer te meitsjen.

D66 Smellingerlân en de FNP pleitsje tegearre al jierren foar in basisynkommen. Eltsenien moat meidwaan kinne yn Smellingerlân. Beide partijen gean út fan fertrouwen yn de ynwenners, yn stee fan wantrouwen.

De FNP wol net mear jild útjaan om minsken te helpen dy’t help nedich hawwe as dat de gemeente krijt fan it Ryk. Neffens D66 stopt it leed net ynienen as dat jild op is. Foar D66 stiet foarop dat eltsenien holpen wurdt dy’t it nedich hat.