D66-FNP

D66 en de FNP binne foar Frysktalich ûnderwiis. D66 hat dêr in konkrete doelstelling foar. D66 wol dat alle memmetaalsprekkers fan it Frysk de taal ek goed lêze en skriuwe kinne. D66 wol ynvestearje yn de Fryske taal. De FNP wol dat yn ferkiezingstiid ek, mar stimt yn Provinsjale Steaten foar útstelde besunigings op de Fryske taal.

D66 wol ek foars mear ynsette op it nei Fryslân heljen fan opliedings, benammen yn de duorsumenssektor. De FNP hat dêr gjin plannen foar.

D66 en de FNP binne tsjinpoalen as it oankomt op klimaatbelied. FNP hâldt wynmûnen yn Fryslân al jierren tsjin, D66 hat in foarstel yntsjinne om wynmûnen moochlik te meitsjen.

De FNP wol dat der neat feroaret oan it Fryske lânskip troch alle foarútgong tsjin te hâlden. Mar drûchte en klimaatferoaring wurde hieltyd slimmer. D66 wol it Fryske lânskip redde troch sinnepanielen en wynmûnen te bouwen. De klimaatferoaring tsjingean én der oan fertsjinje. D66 is de meast ambisjeuze klimaatpartij fan Fryslân.

D66 wol mear bouwe, sadat eltsenien in moai plakje hat om te wenjen. De FNP wol de stikstofkrisis fertrage, D66 wol de stikstofkrisis oplosse troch dúdlikheid oan boeren te jaan. Dêrtroch kin der mear boud wurde.

De FNP wol dat Friezen dy’t hjir berne binne foarrang krije op in hûs. Se binne der op tsjin dat minsken út de rest fan Nederlân hjir wenje. D66 is net bang foar nije Friezen. D66 wol dat minsken dy’t nei Fryslân ferhúzje wolkom binne, meidwaan kinne en in kursus Frysk dwaan kinne. Want ien út de Rânestêd is echt net minder as ien út Fryslân.

D66 en de FNP fine Fryslân it moaiste lân fan d’ierde. D66 set him yn foar frijheid. Yn Fryslân én dêrbûten. Foar in Fryslân wêr’t eltsenien himsels wêze kin en de eigen taal sprekke kin. De FNP wol faak de Fryske taal oplizze en minsken fan bûten Fryslân bûten de doar hâlde. D66 stiet iepen foar nije Friezen, want Fryslân is te moai om de doar ticht te dwaan.

D66 en de FNP wolle mear omtinken foar de gouden hantsjes fan Fryslân, foar it mbû. De FNP makket him soargen oer it tekoart oan personiel, D66 komt mei konkrete plannen om it ûnderwiis en it bedriuwslibben by mekoar te bringen. En D66 set noch in stap fierder as it ûnderwiis. D66 wol ta nei in sirkulêre ekonomy en bedriuwen helpe te ferduorsumjen.

D66 en de FNP fine keunst en kultuer wichtich foar de mienskip. Dêrom wurkje de partijen goed tegearre yn de Fryske Steaten foar de kultuersektor. Mar de FNP stimde yn de Steaten wol foar besunigings op kultuer, D66 wie dêr tsjin. D66 wol ek mear ynsette op keunst- en musykûnderwiis op skoallen.

De FNP is tsjin de Lelyline en is bang dat der minsken út de Rânestêd nei Fryslân komme as der in bettere treinferbining is. D66 is net bang foar nije Friezen, mar hyt se wolkom en helpt se de Fryske taal te learen.

D66 is foar de Lelyline en wol foarút mei in berikber Fryslân foar elkenien. Ferbûn mei de rest fan Europa en it lân. De FNP kiest foar stilstân, ek troch yn te stimmen mei besunigings op it iepenbier ferfier yn Provinsjale Steaten. D66 wol just yn de bus en de trein ynvestearje.